啱啱考完 GCSE 中文(廣東話) 既同學話……

（本文根據Pearson Edexcel官方規格、應考Higher Tier及考生參與廣東話試編撰）

GCSE 其中2份paper於本星期開考，小編趁應屆考生、我哋班既學生記憶猶新，問問他們的親身感受:

聆聽 · Paper 1 · Listening

許多考生坦言，聆聽卷出乎意料地輕鬆。考試開始前有約五分鐘閱題時間，錄音以廣東話播放、每段播兩次，但答題須以英文作答。

「比我想像中容易。答案其實唔難，聽完就知。除咗考試場地(氣氛)有啲緊張，最難反而係要即時諗起廣東話對應嘅英文詞彙。」——應屆考生 A，16歲

若家中長期以廣東話溝通，理解內容幾乎毫無難度——挑戰反倒在於聽後即時轉換為英文詞彙。

說話 · Paper 2 · Speaking

口試分三部分，除準備時間，全程考試約十分鐘。Part 1 為角色扮演問答；Part 2 要以廣東話描述一幅圖片，考官期望考生從時、地、人、事、感受等角度闡述；Part 3 則圍繞五大指定主題展開對話——考生可預先選定一個主題準備一分鐘的發言，之後再進入另一個由 Pearson 指定範圍內選出的不同。

「我以為要講好耐，點知考官話我唔使講咁多……原來簡短清晰先係佢哋想要嘅。」——應屆考生 M，15歲

閱讀 · Paper 3 · Reading

閱讀卷的文章以中文寫成，Higher Tier 每篇約五至六行。題目為英文，答題亦須用英文。令不少考生意外的是——

「程度大概係香港小學程度。仲有啲填充題會直接喺選項度俾你英文答案，揀啱抄上去就得，根本唔使自己諗！」——應屆考生 C，16歲

由於大部分答案均可從文章提供的選項中找到，閱讀卷被公認為四卷中最易應付的一份。

寫作 · Paper 4 · Writing

寫作卷將於下星期考試，小編到時再問下同學仔，為大家帶來第一手資訊！敬請期待。

整體感受

綜合多位考生的心聲，GCSE 中文整體難度比預期低。對於自小在家說廣東話的學生而言，這科可算是一個爭取佳績的好機會。唯一的提醒是：口試的五大主題宜提早準備，切勿臨急抱佛腳。