​了解我們

如果您嚟緊計劃報考英國 2027 年 Pearson Edexcel GCSE 中文（1CN0）考試，最快既考試日期如下（基於官方時間表，適用於英國考試中心，海外iGCSE除外）。只有Pearson Edexcel 提供廣東話加繁(正)體字中文試，敬請留意。 【基礎資料發布】 日期：2026年11月20日 說明：正式接受報名（日校通常由學校統一處理，自修生需自行聯繫考試中心或中文學校）。 【正常報名截止】 日期：2027年2月21日 說明： • 日校考生：學校內部截止日期通常更早（多數學校 12 月或 1 月已截止），請盡早問老師。 • 自修生：必須在 2 月 21 日前完成，建議最遲 1 月底聯絡考試中心。 【延遲報名開始】 日期：2027年2月22日起 說明：兩類考生均可遲報，需附加費用。 【高額延遲報名最終截止】 日期：2027年4月22日 說明：最後報名機會，請盡早安排。 【Paper 2 口語考試】 日期：2027年4月15日–5月20日 說明： • 日校：由學校老師安排具體時間。部分學校要求考生自行安排口試考試人員。 •...

作者：Global Kids 港講廣A-level 中文科老師 Dr. Hugo Lai 一種語言仲有冇生命力，我哋好多時會先睇仲有幾多人講、幾多人讀。但對生活喺海外嘅華人家庭嚟講，書寫往往先係最容易慢慢收窄嘅一部分。屋企可以繼續講廣東話，社交媒體亦日日見到中文，但真係需要坐低用中文寫一兩個字嘅機會，其實已經愈嚟愈少。 「識中文」同「有冇習慣寫中文」，本來就係兩回事。一個人可以每日講廣東話，但書寫始終需要另一種訓練。對海外中文教育嚟講，呢種能力亦唔會因為學生識講、識讀，就自然保存落去。語言如果缺少實際使用嘅場合，再熟悉嘅能力，都有可能逐漸退到生活邊緣。 最近新學年 A Level 開班，學生大多數都有喺香港接受中文教育，書寫能力唔需要重新建立，而係需要諗辦法維持水平。我叫學生分享暑假見聞，課堂上可以用廣東話傾得相當深入，但講到日常書寫，就會發現學生真正需要寫中文嘅場合並唔多。學校功課主要用英文，朋友之間傳訊息往往只係三言兩語，較完整嘅中文書寫通常只會喺中文課堂出現。對喺英國生活嘅香港學生嚟講，中文口語仍然可以相當活躍，但書寫所佔嘅位置，未必同樣穩

中秋節喺英國人當中可能只係聽過，但唔知點解要食月餅、點解要抬頭賞月。其實英國本土嘅 Harvest Festival 與中秋本質差唔多：都係多謝收成、屋企人團聚、抬頭睇同一個月亮。呢篇文章用 6 個趣味冷知識，比大家可以分享比鄰居、同事同埋本地朋友。 1 ｜港人過中秋嘅「合法藉口」：翌日放假 香港中秋正日唔放假，「中秋節翌日」先至係法定公眾假期。或者政府鼓勵大家前一晚賞月、食月餅食到天光，隔日再補眠。英國朋友一聽，成日會即時聯想到 Christmas Day 同 Boxing Day 嘅雙重假期結構。 2 ｜大坑舞火龍：140 年歷史、67 米長、300 壯丁四圍走 香港大坑舞火龍每年用 300 多位壯丁頂住一條 67 米長嘅草龍，全身上下插滿 超過 12,000 支 燃緊嘅壽香，視覺震撼度好比英國 Bonfire Night（Guy Fawkes Night），但香火味更濃。火龍源自 1880 年——可能比起好多英國維多利亞時代嘅傳統仲要老。 3 ｜月餅係「熱量炸彈既水果蛋糕」 一個傳統雙黃蓮蓉月餅熱量可以去到 約 800 卡路里，差唔多等於一

有啲家長一開始已經諺住：唔考喇，因為小朋友中文太弱。 平時喺屋企，佢已經會同爸爸媽媽講幾句英文；認同寫中文字就更加無。尤其係住喺英國，小朋友日常主要用英文讀書、同朋友溝通，中文可能只係喺屋企先接觸到少少。家長自然會擔心，與其花時間準備一科信心不足嘅語言科，不如將時間留返俥其他較有把握嘅 GCSE 科目。 對呢類家長嚀講，佢哋未必會進一步諺：「如果報 Higher，會唔會太進取？」因為喺佢哋眼中，小朋友連基本中文都未掌握好，Higher 根本係一個離自己好遠嘅選項。 有啲小朋友雖然再唔係喺香港讀書，或者根本就在英國出世，但因為爸爸媽媽來自香港，屋企仍然有一定嘅廣東話環境。小朋友平時會同父母講嚌、聽親戚講廣東話，又或者透過網上同公公婆婆視像而接觸中文。不過，能夠聽明白或者講幾句廣東話，並唔代表已經可以掌握漢字、閱讀文章，或者寫出完整嘅中文句子同段落。 呢個就係好多英國香港家庭面對嘅語言困局： 屋企用廣東話，但學校主要用英文； 聽已經少，講就更少，讀與寫全無； 有中文語言環境，但接觸時間有限，而且未必有系統品學習； 認識一部分日常詞語，但未必熟習書面語

海外香港人屋企過中秋，最大難題唔係買唔到月餅，而係「小朋友無興趣、外國同學冇聽過」。呢篇文章用 6 個趣味冷知識，按小朋友年齡由細到大排列，由 3 歲柚子皮小手作到 16 歲月餅口味演化史，等爸爸媽媽唔使再為「今年中秋講咩好」而傷腦筋。 1 ｜豬籠餅：被關入監獄嘅小小麵包豬（適合 2–5 歲） 香港舊式餅店有一款豬籠餅 ，又稱豬仔餅 ——做月餅剩低嘅麵團焗成細餅，造型係肥嘟嘟嘅小豬，仲畀關咗入五顏六色嘅塑膠細籠入面。小朋友一望到或者會嗌：「小豬畀人捉咗入籠！好慘呀！」 2 ｜大坑火龍降妖記（適合 3–7 歲） 140 年前大坑村爆發瘟疫，村民用稻草紮出條巨龍、插滿香火、敲鑼打鼓嚇走妖怪——小朋友聽到會即刻接嘴：「嗰隻怪獸叫咩名？我可唔可以養佢？」 3 ｜Häagen-Dazs 雪糕月餅：月餅界嘅偽裝大師（適合 5–10 歲） 外表刻住靚靚月餅花紋，切開入面係雪糕。對部分抗拒鹹蛋黃嘅小朋友，係另類月餅。連雪糕都識扮月餅，香港係一個要食物又應節又好食嘅城市。 4 ｜柚皮小燈籠升級版：食完柚子再手作（適合 5–10 歲） 喺柚皮頂部挖一個小窿，插入 L

中秋節，你會諗起咩？月餅、花燈、賞月，定係一家人團聚？仲有大坑舞火龍? 對於喺海外成長嘅小朋友嚟講，中秋節未必係一個熟悉嘅節日。尤其當廣東話唔一定係佢哋日常使用嘅語言，點樣令小朋友由「知道有中秋節」，變成真正理解同感受到呢個節日？ 作為英國中文教育組織，我哋一直相信，小朋友學語言唔一定只係坐定定學寫字。將語言放入遊戲、勞作、故事同生活體驗入面，學習自然會變得更加有趣。 今年中秋，我哋會將「玩」同「學」結合，帶住大家一齊認識中秋文化。🏮🥮各位家長亦都可以試下自製好玩教材。 其中一個活動係 「月餅記憶卡」小遊戲。小朋友透過配對卡牌，可以自然接觸「月餅」、「紅豆」、「奶黃」等中秋詞語。家長亦可以一邊玩，一邊用廣東話問：「你搵到邊一張？」「呢個係咩？」「你鍾意邊款月餅？」由一個簡單遊戲，變成親子之間使用廣東話嘅互動機會。 另一個受小朋友歡迎嘅活動係 「透明小月亮」親子手作。小朋友親手製作屬於自己嘅小月亮，同時認識月亮、中秋、嫦娥同花燈等。對年紀較細嘅小朋友嚟講，透過視覺、觸覺同創作去接觸文化，往往比單純聽講更加容易留下印象。 但講到香港特式嘅中秋，一

每逢長假尾聲，唔少有香港背景嘅家庭都會由日本、歐洲或者其他地方返英國。旅程完結，心情難免有啲失落。由風景、節奏、美食同假期模式，一下子切換返現實，嗰種「holiday blues」好多家庭都好熟悉。 返到英國先最難受? 英國專欄作家Sean Thomas 喺《The Telegraph》〈The worst thing about Britain is arriving〉(註: 2026年7月1日)入面，提出咗一個幾傳神嘅講法，叫做 「Luton Syndrome」。佢借用「巴黎症候群」呢個概念，去形容旅客對現實落差嘅震盪：唔少英國人放完假返國，一落機就會突然感受到一種近乎幻滅嘅失落，因為英國機場入境體驗往往又慢、又舊、又亂，令人由旅途嘅輕鬆愉快，一秒跌返落現實。作者認為，最刺痛人嘅，唔單止係機場本身，而係機場好似一面鏡，照見成個英國基建、城市面貌同公共生活質素改變緊，有人形容為下滑既跡象。 文章入面，Sean Thomas 將呢種「返到英國先最難受」嘅感覺分成幾種版本。由東亞返嚟嗰種最強烈：當你喺東京、新加坡、深圳，甚至廣州機場，習慣咗乾淨、

最近台灣《東森新聞》一張「防範支語」圖卡惹來不少爭議。原因很簡單：圖卡把「地鐵、便利店、寄艙、電單車、菠蘿、士多啤梨、即食麵」等列為中國內地用語，但當中不少明明就是香港常見用語，有些更是很典型的港式講法，例如「士多啤梨」乃英語音譯詞。貼文後來雖然被刪除，但它引起的問題，反而值得我們認真看。 「士多啤梨」定 「草莓」 我們留意這件事，不是因為想加入另一場網上罵戰，而是因為它再次說明：今天不少人一談語言，就很容易由「辨別詞語」變成「貼人標籤」。看見自己不熟悉的講法，第一時間不是問來源、看語境、查脈絡，而是先判它有問題。這種反應，在政治氣氛緊張的時候尤其常見。＜德國之聲＞〈「中國用語」是「支語警察」的假想敵〉一文就提到，部分人對「中國用語」的焦慮，已經不止是用字層面，而是跟文化和政治連在一起。 不過，理解這種焦慮，不等於我們要照單全收。 而對海外家長來說，這件事最值得留意的地方，是它正好映照出我們日常面對的教育現場。孩子在英語環境長大，本身接觸中文的機會已經有限；他們看短片、接觸朋友、聽回來的詞彙，來源少又雜。於是，「聽到甚麼就學甚麼」往往是常態。這也

啱啱過去嘅星期日（7月26日），英國曼徹斯特街頭再次熱鬧起嚟，迎來一年一度嘅 Manchester Day。今年巡遊入面，香港文化社（Hong Kong Cultural Community）聯同 PlayMud 同 Wio Dance Studio 一齊登場，仲呼應英國將 2026 年定為「全國閱讀年」（National Year of Reading），以香港作家西西《浮城誌異》入面嘅「浮城」做靈感，將香港嘅故事由書本帶到街頭。一艘色彩鮮明、充滿香港味道嘅「漁船」駛入巡遊隊伍。船上載住嘅，唔單止係香港文化同回憶，仲有我哋對「歸處」呢件事嘅想像同追問。 而掌舵嘅，正正就係香港民間傳說入面嗰個好特別嘅角色——盧亭。 ｜傳說中的「盧亭」：半魚半人，既似旅人亦似歸人 喺嶺南民間傳說同《廣東新語》入面，盧亭係大嶼山一帶半人半魚嘅神秘族群。相傳東晉末年，盧循兵敗之後，部下逃到香港沿海一帶，為咗避開朝廷追捕，長年隱居海邊、靠海為生。久而久之，呢段經歷喺後人想像之中，就慢慢變成咗「盧亭」呢個半人半魚、游走喺海同陸之間嘅存在。 而盧亭最特別嘅地方，就係佢唔完全

來自小編的一位澳洲治療師媽媽朋友Josephine自述: 有一日，囡囡Chelsea 喺學校，同學好自然咁問佢： 「你今日早餐食咗咩呀？」 Chelsea 好開心咁答： 「我食咗麵！」 係呀，Chelsea 真係好鍾意食麵，乜麵都鍾意。 佢完全遺傳咗我個中國胃，早餐食麵都食得好開心，我其實好感恩。 點知個同學就話： 「嘩……好核突呀！你媽媽咁樣俾你早餐食麵….」 一直以嚟，我哋都教Chelsea：如果有人對你講啲唔尊重、唔友善嘅說話，就去同老師講。 所以Chelsea真係去咗。 老師同個小朋友解釋： 「每個文化都有唔同嘅飲食習慣。Chelsea屋企早餐食麵，係完全冇問題㗎。」 Chelsea返到屋企同我分享呢件事，我第一件係讚佢。 「Chelsea，你好勇敢呀，識得保護自己，去搵老師幫手。」 之後我再問佢： 「咁如果下次同學再問你，點解你早餐食麵，你會點答呀？」 Chelsea好有自信咁答： 「我會同佢哋講，唔同國家都有唔同嘅食物。我同媽媽都鍾意食麵。」 （佢仲未識「文化」呢個詞，所以用咗「國家」。） 我即刻話： 「好叻呀！」 我仲鼓勵佢，如果同

七月初喺英國曼城既香港人市集見到一位媽媽，佢有啲苦惱咁問我：「阿女都話想考 GCSE Chinese，但一講到要上堂，就即刻擰頭。」我聽完笑咗。呢個情景，其實一啲都唔陌生。每次同小朋友傾起會唔會考 GCSE 中文，如果前提係「要先去上堂」，有時答案係：唔想。 有兩個主要原因。第一，孩子本身唔想上堂，聽到都覺得悶或者煩；第二，佢哋或者家長會覺得，就算考，都未必攞到好成績，唔值得投資時間心機去上堂。對於第一個原因，我哋其實幾認同。唔係每個小朋友都適合同一種學習模式，有啲學生喺課堂上未必發揮得最好，反而更需要按自己節奏，一步一步建立信心。尤其中文呢科，聽、說、讀、寫本來就好講累積，逼得太緊，未必係好事。 孩子覺得上堂又悶又煩? 但唔上堂，唔代表唔準備。好多時小朋友抗拒嘅，未必係中文本身，而係「上堂」帶來嘅壓力。如果可以換一個輕鬆啲、彈性啲嘅方式，反而更容易開始。特別係暑假，時間長啲、節奏慢啲，正好用來打好基礎，唔使一開學先匆匆忙忙。 所以，如果你屋企啱啱都有準備 GCSE Chinese 嘅孩子，不如趁暑假輕鬆試下用練習入手《GCSE CHINESE

早前，全球首富馬斯克（Elon Musk）帶著兒子 X（X Æ A-XII）造訪中國的畫面引起不少關注。這種跨國的「實境體驗教育」為大家提供了一個思考方向：千萬不要讓孩子只在英國/香港/自己的地方裡睇書睇Youtube了解世界！我們當然沒有私人飛機，甚至未必可以常坐飛機外遊，但我們依然可以用腳步，讓孩子親身感受到「語言是活生生的、是用來探索世界的工具」。 走出去看看這世界 人在英國，我們同樣能為孩子安排平民版「亞裔公民教育」。週末時，帶他們去華人超市買菜，讓他們嘗試用廣東話尋找「生抽」和「老抽」；節日時逛逛唐人街，感受真實的文化氣息；條件允許的話，帶他們回香港探親。這些生活中的真實互動，比起在書桌前默書，更能讓孩子明白廣東話不僅僅是一門「學科」，而是與人連結、解決生活問題的橋樑。 街頭實戰難題：教孩子正（繁）體字卻滿街簡體字？ 然而，當我們帶孩子走進真實的亞裔社區或唐人街時，不少堅持教導孩子正體字（繁體字）的家長會遇到這樣的掙扎：「我哋明明教佢正（繁）體字，但街上招牌、餐牌很多都係簡體字，佢問我點解唔同，我哋應該點解同孩子解釋？」...

在剛過去既端午節，我哋係英國各地舉辦了近10場小龍舟工作坊，不少家長、孩子同埋我哋過咗充滿廣東話笑聲的一日。見到小朋友一齊專心聽端午節習俗、了解屈原故事，之後仲發揮創意，親手組裝屬於自己、獨一無二嘅立體小龍舟，大家都玩得非常投入！謝謝各位家長的信任與陪伴，很高興看到傳統文化能在海外延續。 不過喺工作坊當中，老師們就留意到一個非常得意又值得深思嘅現象。當時有小朋友指住包裝袋問：「老師，點解呢度寫住『傻子』嘅？」老師一睇，原來小朋友將「糉子」誤認成「傻子」，今次小朋友真係「傻」仔喇！又有另一個精明嘅小朋友舉手發問：「老師，端午節個『午』字，同我平時見到牛奶個『牛』字好似樣啊，佢哋有冇關係㗎？」 點解海外小朋友咁容易睇錯「形似字」？ 這種將字形相近的字混淆的現象，我哋稱之為「形似字」認知偏差。對於在海外長大、習慣了英文等拼音文字的小朋友來說，漢字就像是一幅幅複雜的「幾何圖形」。 英文只有 26 個字母，線條簡單；而繁體中文結構嚴謹、筆畫繁多。小朋友在記憶漢字時，往往是捕捉一個「大概的輪廓」，而忽略了局部的細微結構。在他們眼裡，繁體字的部件非常密集，例如

上回提到，當孩子用上「陸化」 或網絡潮語時，家長應有思路及回應方向。 接下來，我們看看實際處理方法。 針對身處英語國家的小朋友和青少年，要分辨廣東話、普通話及網絡流行語來源，挑戰往往更大。因為他們平日接觸中文的機會相對有限，很多時候只是「聽到甚麼就學甚麼」，未必能自然建立語感上的界線。 要培養這種辨識力，與其一味死記硬背或嚴厲糾正，不如用更生活化、更有互動感的方法慢慢建立。以下幾個方法，會較實際也較容易持續。 1. 建立「三語對照」思維：以英文作橋樑 既然孩子最熟悉的是英文，不妨以英文作為概念上的中介。 例如當孩子說出「顏值」時，家長可以這樣回應： 「你講嘅『顏值』，英文可以理解為 looks 或 attractiveness。 如果用傳統廣東話，我哋可能會講『樣貌』，或者直接話『佢好靚』。 而『顏值』就係近年比較受普通話同網絡文化影響嘅講法。」 透過把英文概念、傳統廣東話表達及新興詞語並列，孩子會更容易明白：同一個意思，在不同語境下可以有不同說法，而不同說法背後也帶有不同的文化背景。 2. 善用考試語境：把「辨識」變成實際能力 如果孩子正準備或

近年，受普通話及內地網絡文化影響，一些原本常見於內地社交平台或商業語境的詞彙，正愈來愈多地進入香港及海外廣東話社群。有人把這種現象稱為語言「陸化」，而這種變化，某程度上與小紅書、抖音、Bilibili 等平台普及，以及各地愈來愈頻繁的商業往來有關。 例如「直觀」一詞，近年便經常被用來表達「一目了然」或「很直接」的意思。類似的例子還有不少：某些新引入的詞語，正逐漸取代原有的本土表達方式；另一些則在商業、科技及媒體語境中變成通用術語。 以下整理了一些近年較常見的詞彙，並把英文意思與傳統廣東話對應說法分開列明，方便家長和學生理解與比較。 1. 日常及社交媒體流行語 這類詞彙深受內地網絡文化影響，在年輕一代的日常對話中尤其常見。 顏值 英文意思：Attractiveness / Face value / Looks 傳統廣東話意思：相貌、樣貌、靚 說明：用來形容一個人的外貌吸引力。 閨蜜 英文意思：A woman's best female friend / Bestie 傳統廣東話意思：姊妹、死黨 說明：指女性非常親密的女性朋友。 2. 商業與消費習慣

上文提及(編按: <特朗普孫女學中文的啟示>一文)，美國總統特朗普的孫女阿拉貝拉（Arabella）以流利普通話背誦唐詩的影片紅遍全球，讓不少人驚嘆中文的國際地位。移居海外的香港家長或許會想：「既然外國人都爭相學普通話，我們是否也該讓孩子放棄廣東話，直接學普通話和英文就好？」 從腦神經科學與語言學的角度來看，保留廣東話的價值遠超我們的想像。根據腦神經科專科黃震遐醫生的研究與分享，學習中文（特別是廣東話）對大腦發展和認知能力有著獨特且不可替代的優勢。以下為大家 拆解這三大獨特性： 結構優勢：中文比英文具備更高的「效能」與「空間經濟」 很多家長覺得學中文字很難，但黃震遐醫生指出，中文其實是一種高度依賴「重複使用有限資源」的高效能語言。 字根組合的高效性： 英文需要創造無數個全新的單字來表達不同概念，而中文只需要幾個簡單的部件就能組合成千變萬化的字。例如，僅僅兩個中文字母（部件）就能組成 41 個正體字，三個部件更能組合出 434 個字。 概念的延伸重用： 以「信」字為例，在英文中，自信是 "Self confident"，信任是 "trust"，信封

幾年前，美國總統特朗普的外孫女Arabella Kushner以流利中文背誦《三字經》、唐詩，甚至演唱民歌《茉莉花》的影片，在網上引起不少迴響。很多人驚訝，一個金髮碧眼的美國小女孩，為何能將中文說得字正腔圓？其實，背後的秘訣並非單靠死記硬背的中文班，而是「無間斷的語言環境」與「深度的文化薰陶」。 從小沈浸在中文裡 據報導，Arabella的母親Ivanka 非常重視語言與亞洲文化教育。阿拉貝拉從嬰兒時期開始，就由一位母語為中文的保姆照顧。這位保姆不僅負責日常起居，更在無形中為她建立了一個極佳的沉浸式語言環境。Ivanka曾透露，Arabella在一歲多還不太會說話時，就已經能聽懂許多中文詞彙的含意。 除了家庭的「微型語境」，Arabella在 18 個月大時就開始入讀紐約一所語言學校。但她的學習方式絕非沉悶的教科書，而是充滿互動與文化色彩。她的老師曾分享，課堂上會大量運用兒歌、角色扮演、故事拼圖和布偶，例如用中文演繹童話故事，讓孩子在充滿趣味的遊戲中主動吸收。 她接觸的不只是中文發音 更重要的是，她的家族將「學語言」與「體驗文化」緊密結合。Ara

各位移英爸媽，唔知大家有無試過呢個情境：尋晚明明同仔女溫咗十次「水」字，今朝起身問佢，佢竟然好似見到外星生物咁望住你，個腦好似 Format 咗一樣？ 面對呢種「教完即忘」的循環，好多家長都會好挫敗，甚至懷疑仔女係咪冇天份。其實，大家可以先鬆一口氣，因為「會遺忘才是常態，過目不忘的是極少數例外」。今日我哋就用科學角度，拆解點樣幫喺英國嘅小朋友留住啲中文字！ 點解會咁快唔記得？揭開「遺忘曲線」的真相 早喺一百多年前，科學家 Ebbinghaus 就發現咗「遺忘曲線」（Forgetting Curve）。研究顯示，如果冇複習，記憶在最初幾小時內會急速下降，一天後慢慢放緩。 所以，小朋友返完中文班或者做完功課，轉頭唔記得係「全人類設定」，唔係佢哋唔認真。要對抗遺忘，重點唔在於一次過「谷」幾耐，而係要喺記憶急速下降嘅時候進行間歇性複習。 三步法：由「短期記憶」轉化為「長期記憶」 根據認知心理學，記憶形成需要經過三個過程：編碼（記住）、儲存（維持）、提取（回想）。 第一步:編碼 (Encoding) —— 賦予文字意義 如果中文字對小朋友嚟講只係一堆死板嘅

（本文根據Pearson Edexcel官方規格、應考Higher Tier及考生參與廣東話試編撰） GCSE 其中2份paper於本星期開考，小編趁應屆考生、我哋班既學生記憶猶新，問問他們的親身感受: 聆聽 · Paper 1 · Listening 許多考生坦言，聆聽卷出乎意料地輕鬆。考試開始前有約五分鐘閱題時間，錄音以廣東話播放、每段播兩次，但答題須以英文作答。 「比我想像中容易。答案其實唔難，聽完就知。除咗考試場地(氣氛)有啲緊張，最難反而係要即時諗起廣東話對應嘅英文詞彙。」——應屆考生 A，16歲 若家中長期以廣東話溝通，理解內容幾乎毫無難度——挑戰反倒在於聽後即時轉換為英文詞彙。 說話 · Paper 2 · Speaking 口試分三部分，除準備時間，全程考試約十分鐘。Part 1 為角色扮演問答；Part 2 要以廣東話描述一幅圖片，考官期望考生從時、地、人、事、感受等角度闡述；Part 3 則圍繞五大指定主題展開對話——考生可預先選定一個主題準備一分鐘的發言，之後再進入另一個由 Pearson 指定範圍內選出的不同。...

2026 年夏季的 GCSE 考試已經進入最後倒數。根據最新考期安排，2026 年 GCSE 中文考試將於 5 月 11 日開始。截至本週末（5 月 9-10 日），距離正式開考僅剩 1-2 天。這段時間需鞏固心態與確認細節，我哋港講廣老師結合了英國考試局（JCQ）及 Pearson Edexcel 官方規範，為大家整理了這份「終極考前錦囊」。 📅 2026 GCSE 中文考試官方日期 提供 GCSE 粵語 (Cantonese) 選項的考試局為 Pearson Edexcel。請家長與同學再次核對准考證上的時間： Paper 1 & 3: 聽力與閱讀 — 5 月 11 日 (週一) — Edexcel / AQA Paper 4: 寫作 — 5 月 18 日 (週一) — Edexcel / AQA 📝 考場規則與必備清單 根據英國考試局（JCQ）與提供的指引，請嚴格遵守以下應試守則： 文具規範：必須使用黑色原子筆作答。建議準備兩支以上，並裝在透明筆袋內。 禁帶物品：手機、智能手錶、修正帶／塗改液及任何紙本筆記均嚴禁帶進試場。...