​了解我們

如果您嚟緊計劃報考英國 2027 年 Pearson Edexcel GCE A-Level 中文（全名 Advanced GCE in Chinese (spoken Mandarin/spoken Cantonese)，編號 9CN0）考試，最快、最齊嘅關鍵日期如下（基於官方時間表，適用於英國考試中心；海外國際中心截止日期不同）。 2027 年關鍵日期 【基礎資料發布】 日期：2026 年 11 月 20 日 說明：正式接受報名（日校通常由學校統一處理，自修生需自行聯繫考試中心或中文學校）。 【正常報名截止】 日期：2027 年 2 月 21 日 說明： • 日校考生：學校內部截止日期通常更早（多數學校 12 月或 1 月已截止），請盡早問老師。 • 自修生：必須喺 2 月 21 日前完成，建議最遲 1 月底聯絡考試中心。 【延遲報名開始】 日期：2027 年 2 月 22 日起 說明：兩類考生均可遲報，報名費會收雙倍。 【高額延遲報名最終截止】 日期：2027 年 4 月 22 日 說明：最後報名機會（報名費三倍），改科／改卷亦收改動費，請

作者：Global Kids 港講廣A-level 中文科老師 Dr. Hugo Lai 一種語言仲有冇生命力，我哋好多時會先睇仲有幾多人講、幾多人讀。但對生活喺海外嘅華人家庭嚟講，書寫往往先係最容易慢慢收窄嘅一部分。屋企可以繼續講廣東話，社交媒體亦日日見到中文，但真係需要坐低用中文寫一兩個字嘅機會，其實已經愈嚟愈少。 「識中文」同「有冇習慣寫中文」，本來就係兩回事。一個人可以每日講廣東話，但書寫始終需要另一種訓練。對海外中文教育嚟講，呢種能力亦唔會因為學生識講、識讀，就自然保存落去。語言如果缺少實際使用嘅場合，再熟悉嘅能力，都有可能逐漸退到生活邊緣。 最近新學年 A Level 開班，學生大多數都有喺香港接受中文教育，書寫能力唔需要重新建立，而係需要諗辦法維持水平。我叫學生分享暑假見聞，課堂上可以用廣東話傾得相當深入，但講到日常書寫，就會發現學生真正需要寫中文嘅場合並唔多。學校功課主要用英文，朋友之間傳訊息往往只係三言兩語，較完整嘅中文書寫通常只會喺中文課堂出現。對喺英國生活嘅香港學生嚟講，中文口語仍然可以相當活躍，但書寫所佔嘅位置，未必同樣穩