分享比英國朋友6個中秋節 fun facts (下篇)

中秋節喺英國人當中可能只係聽過，但唔知點解要食月餅、點解要抬頭賞月。其實英國本土嘅 Harvest Festival 與中秋本質差唔多：都係多謝收成、屋企人團聚、抬頭睇同一個月亮。呢篇文章用 6 個趣味冷知識，比大家可以分享比鄰居、同事同埋本地朋友。

1 ｜港人過中秋嘅「合法藉口」：翌日放假

香港中秋正日唔放假，「中秋節翌日」先至係法定公眾假期。或者政府鼓勵大家前一晚賞月、食月餅食到天光，隔日再補眠。英國朋友一聽，成日會即時聯想到 Christmas Day 同 Boxing Day 嘅雙重假期結構。

2 ｜大坑舞火龍：140 年歷史、67 米長、300 壯丁四圍走

香港大坑舞火龍每年用 300 多位壯丁頂住一條 67 米長嘅草龍，全身上下插滿 超過 12,000 支 燃緊嘅壽香，視覺震撼度好比英國 Bonfire Night（Guy Fawkes Night），但香火味更濃。火龍源自 1880 年——可能比起好多英國維多利亞時代嘅傳統仲要老。

3 ｜月餅係「熱量炸彈既水果蛋糕」

一個傳統雙黃蓮蓉月餅熱量可以去到 約 800 卡路里，差唔多等於一餐正餐。正確食法係切成 4或8 小片，配普洱茶，慢慢歎。千奇唔好獨食，記得開心share呀! 香港人切月餅嘅方法，同英國人切 Fruitcake 一模一樣。

4 ｜香港「煲蠟」歷史：月餅盒、蠟燭再加 XX

八、九十年代既香港，無論大小，中秋最癲嘅玩意叫「煲蠟」：將月餅盒入面嘅蠟燭融咗、加水引爆火花，成日釀成火災。而家已經立法禁止，青少年改玩 LED 燈籠、螢光棒——由火到光，中秋玩具嘅演變，就係半部香港現代史。 (註: 「煲蠟」為危險行為，設勿嘗試及模仿)

5 ｜Harvest Moon：英國人其實年年都喺度過「中秋」

英國農曆傳統入面，每年秋分最近嘅滿月就叫 Harvest Moon。農夫會趁月光連夜收割，教會會辦 Harvest Festival「感恩收成禮拜」。所以對英國人嚟講，中秋唔係「外國節」，而係一個熟悉嘅月亮改頭換面再上線。

6 ｜唔出倫敦都可以過中秋：Chinatown LED 燈籠節

部分海外唐人街每年中秋會佈置 LED 燈籠同埋拱門，以倫敦為例，由 Leicester Square 一路點亮到 Shaftesbury Avenue，月餅、燈籠全部都有。 (註: 歡迎各地讀者話我哋知今年度設計)

不論你住喺西九龍、倫敦、定係溫哥華，只要抬頭見到同一個 Harvest Moon，你已經「過緊中秋」。希望大家有機會同英國朋友分享呢個節日。