向文化羞恥感Say No

來自小編的一位澳洲治療師媽媽朋友Josephine自述:

有一日，囡囡Chelsea 喺學校，同學好自然咁問佢：

「你今日早餐食咗咩呀？」

Chelsea 好開心咁答：

「我食咗麵！」

係呀，Chelsea 真係好鍾意食麵，乜麵都鍾意。

佢完全遺傳咗我個中國胃，早餐食麵都食得好開心，我其實好感恩。

點知個同學就話：

「嘩……好核突呀！你媽媽咁樣俾你早餐食麵….」

一直以嚟，我哋都教Chelsea：如果有人對你講啲唔尊重、唔友善嘅說話，就去同老師講。

所以Chelsea真係去咗。

老師同個小朋友解釋：

「每個文化都有唔同嘅飲食習慣。Chelsea屋企早餐食麵，係完全冇問題㗎。」

Chelsea返到屋企同我分享呢件事，我第一件係讚佢。

「Chelsea，你好勇敢呀，識得保護自己，去搵老師幫手。」

之後我再問佢：

「咁如果下次同學再問你，點解你早餐食麵，你會點答呀？」

Chelsea好有自信咁答：

「我會同佢哋講，唔同國家都有唔同嘅食物。我同媽媽都鍾意食麵。」

（佢仲未識「文化」呢個詞，所以用咗「國家」。）

我即刻話：

「好叻呀！」

我仲鼓勵佢，如果同學有興趣，可以再分享多啲。

例如話：

「中國有好多唔同種類嘅麵㗎！有蛋麵、米粉、公仔麵……全部都好好味！」

我真係好感恩，Chelsea遇到一位好老師。

老師冇單純叫個小朋友「唔好咁講」，而係把握咗呢個機會，教全班小朋友明白——

每個文化都可以唔一樣，而唔一樣係值得被尊重

我亦都好為Chelsea感到驕傲。

唔單止因為佢識得為自己發聲，更重要係，佢冇因為別人一句說話而覺得羞恥，反而學識咗自信咁介紹自己嘅文化。

有部分亞洲移民孩子為了融入，會刻意隱藏自己的飲食（如帶熱食或者咖喱做午餐）或生活習慣。

Chelsea 能自信地說「我同媽媽都鍾意食麵」，代表她對自己的家庭生活有高度安全感。對於各位家長， 在家裡就要營造「以我們的文化為榮」的氛圍。香港食物、廣東話、華人節日不是包袱，而是獨特的文化資產。

請記住：孩子不需要在「西方人」和「亞洲人」之間二揀一。也就是說，一個住在英國的亞裔孩子，保留自己的語言、食物、文化與家族故事，不是「不夠融入」；那本來就是他完整身份的一部分。

你呢? 你會從這個小故事睇到啲咩? 可能係:

• 先保護孩子感受，再教孩子怎樣回應

• 遇到歧視時，不要教孩子忍

• 建立清晰的「求助指引」

• 用「啟發式提問」代替「直接給答案」

• 人在海外真正「共融」（Inclusivity）喺啲咩

留言話我哋知啦!

註: 感謝Josephine 同意小編引用此故事