唔上堂，點可以趁暑假準備 GCSE中文?

七月初喺英國曼城既香港人市集見到一位媽媽，佢有啲苦惱咁問我：「阿女都話想考 GCSE Chinese，但一講到要上堂，就即刻擰頭。」我聽完笑咗。呢個情景，其實一啲都唔陌生。每次同小朋友傾起會唔會考 GCSE 中文，如果前提係「要先去上堂」，有時答案係：唔想。

有兩個主要原因。第一，孩子本身唔想上堂，聽到都覺得悶或者煩；第二，佢哋或者家長會覺得，就算考，都未必攞到好成績，唔值得投資時間心機去上堂。對於第一個原因，我哋其實幾認同。唔係每個小朋友都適合同一種學習模式，有啲學生喺課堂上未必發揮得最好，反而更需要按自己節奏，一步一步建立信心。尤其中文呢科，聽、說、讀、寫本來就好講累積，逼得太緊，未必係好事。

孩子覺得上堂又悶又煩?

但唔上堂，唔代表唔準備。好多時小朋友抗拒嘅，未必係中文本身，而係「上堂」帶來嘅壓力。如果可以換一個輕鬆啲、彈性啲嘅方式，反而更容易開始。特別係暑假，時間長啲、節奏慢啲，正好用來打好基礎，唔使一開學先匆匆忙忙。

所以，如果你屋企啱啱都有準備 GCSE Chinese 嘅孩子，不如趁暑假輕鬆試下用練習入手《GCSE CHINESE 繁體｜廣東話 Practice Papers 試題練習》連答案及錄音，幫學生喺冇太大壓力之下慢慢熟習考試要求。呢套練習提供兩套完整模擬試卷，涵蓋最新 Pearson Edexcel GCSE 中文（繁體｜廣東話）規範主題，包括聽力、口語、閱讀同寫作四大部分，並附有詳細評分標準，方便自我檢視。聽力錄音可以網上下載，寫作部分亦有翻譯練習，同時加入學習提示、重點分析、常犯錯誤示範同應試貼士。增訂版更新增 4 份 Paper、5 大主題詳細分析。

7 月內訂購《GCSE CHINESE 繁體｜廣東話 Practice Papers 試題練習》連答案及錄音，並附送「100 個 GCSE 常用字書寫練習」!

找最適合小朋友既道路

唔係每個小朋友都需要呢套試題練習，正如唔係所有孩子都適合上堂學中文。但作為家長，你願意為小朋友預備合適嘅工具，已經係最重要嘅支持；而你嘅引導同陪伴，更加無可取代。

喺接落嚟嘅文章，我哋都會繼續一齊探索：喺呢段學習路上，仲可以點樣為你提供更多實用工具。